|
SubscriptionsSites I Read
|
|
IdaYan
|
|
| 好痛呀 星期六..又到Fitness dance~~ 今堂就攞我命咯~~~ 動作已經夠哂吃力, 感受到背脊一滴滴汗流落去...到最後做返cool down動作, miss竟然勁做situp...仲要舉起埋對腳...真係腳都震埋....正面做完幾十下...側邊又要再做...嘩....個肚都就黎抽筋 今晚突然想食打邊爐, 但懶0既關係...梗係唔會去好遠, 結果落左太興打, 一d都唔平...可以食左百七蚊, 但味道都ok0既~~ Kathy | | |
| 仁濟耳鼻喉科
今日我地2個都請左假, 因為下晏要去仁濟睇個鼻, 訓到成11點起身...食d野就出青衣城影相喇~~~
仲以為平日...仲要呢d時間實冇人...可以任影啦, 點知都要排隊, 當然唔似假期咁恐佈...叫做等幾分鐘就可以....但都要限時10分鐘影完囉
衝鋒陷陣影左10分鐘就俾人趕喇..
 
 
 
  
去到仁濟都等左成粒鐘先到我, 不過中途咁0岩睇到劉翔跑, 輕輕鬆鬆又奪金~~ 到我喇...個醫生講野勁細聲...細聲到我想話我睇撞聾...唔係睇鼻喇!~ 簡單問左我幾條問題...之後就照內窺鏡....嘩, 眼見果條7-8寸長0既野插入我個鼻到, 咪話唔驚 @.@ 拎返出黎果下...直程覺得d鼻血開始又想湧出黎咁 不過事後問返Anson...原來都係入左3-4寸唶
醫生話冇大問題, 冇任何瘤狀物體, 問佢係咪只係鼻膜薄...佢又話鼻膜度唔到...咁流得咁勁即係咩原因??? 答案係冇咩原因.......可能都係血管比較易爆問題架唶, 唔該哂 一.一"
最後攞埋藥膏就走喇...但都唔知點搽....搽落鼻膜到喎...點搽呀
之後又就去左意粉屋食個tea
然後就過左愉景新城行下...又影下相...之後就回家lu~~
 
Kathy
| | |
| House Warming + BB Gathering + 海鮮餐
今日Katherine, 阿伯, 肥妹仲有2個B上黎參觀我新居, 即刻要用綠水抹抹地先~~~~
佢地上到黎, 都唔係話慢慢參觀, 因為實在好忙呀.....玩B 家熙又已經識得走黎走去..阿女又爬黎爬去, 好混亂咁~~ hohoh~~
A貨一家人, 夠哂幸褔~~
肥妹罪証呀!!!~~
  
抱阿女好辛苦架...狂爭扎...
之後落左會所玩, 換左d金幣俾家熙坐車車~~ 幾型仔~~~
跟住又過左兒童活動室玩....呢到真係成個幼稚園咁, 真係間屋唔夠大落黎玩都唔錯~~~
幾多車車~~
阿女呢個造型好得意~
又有搖搖板
你睇阿女...又met我塊面...又扯阿媽頭髮
玩完一輪, 就慢慢行過去青衣城食tea喇, 當然呢段路都行得相當長啦, 呢張係咪更似一家人, hehe
呢張簡直冧到爆啦~~~
阿女喊到幾可憐...皆因肥妹去左洗手...我地又掛住叫野食, 完全聽唔到阿女已經醒左0係BB車到喊到拆天咁...真陰公咯~~~ 睇怕隔黎枱都覺得我地呢班人冇人性
點解要帶住頂帽...咪剛俾阿女勁扯頭髮囉....
臨走前一個合照, 原來少左家熙喎...另嗚謝一直冇上鏡0既camman - 阿伯
P.S 多謝肥妹封入伙利是~
散band後就返奶奶到食, 今晚細妹好有興緻煮左幾味海鮮, 味道都ok呀~~
有咖喱炒花蟹...蝦碌...鮑魚..
  
Kathy
| | |
| 珍惜同事關係
今日係fair的最後一日, 大多數最後果日都係早d pack野走架啦...點知主辦單位又規定要做到最尾..即6.30pm, 中途唔俾車入載貨走, 除非你自己可以hand carry博懵走囉, 但我地成棵聖誕樹, 走鬼走馬咩 再加上今日東亞開幕.....又封埋路, 即係你要車入, 都要等到11pm 一.一" 不過就可以選擇寄存....但要自己搬囉.........................真係臨離開呢間公司都要做埋呢d蘇州屎
遇著今日係星期六, 好采仲有肥妹捱義氣陪足我全日, 都知佢一定好掛住個女, 感激呀~~ Katherine就唔駛sorry喇....佢應該係要休息多d0既~~~
大約中午到...黃森都有黎, 因為要幫手拆棵樹嘛, 阿太子都有黎....真係主要買野食俾我地, 食野期間...佢提及SAP好勁呀...勁到呢...真係唔駛再要人手咁, 咁既然佢真係信哂個system, 咪炒哂d人囉, 賤格!!
之後佢地2個走先, 我同肥妹繼續hea...其實d野都已經pack左一半, 唉...唔差在全部pack哂喇~~ 繼而一齊出去食個tea
最後到左6.30pm, 我地就推幾轉車仔去寄存喇, 呢段時間好好笑...大家個樣都好似走難咁...肥妹個血滴子真係笑到我肚痛
雖然呢個fair係勁無聊, 但就真係知道邊個會交個心幫下我, 亦都係一個好hea0既地方俾我地幾個傾下計, 因呢排大家個心情都比較沉重, 今晚確實有點感髑....因為真係唔捨得班同事....好鬼愛佢地呀
Kathy
| | |
| 可愛的曲奇
今朝Katherine陪我睇檔, 閒談傾開長期服務金...原來都可以實數拎返果舊錢, 等我仲以為只係攞返扣除mpf剩下0既錢, 咁計落....如果真係成功追討埋2年0既雙糧, 咁又唔錯喎~~~ 係咪等佢炒好過我走先呢~~~
下晏到Katherine走,,Joey接力~~ 都唔明...唔好理呢個expo多人與否, 點解只係得我地幾個出席, 個sales manager同另一個merchand去左邊????? Katherine同Joey只係捱義氣陪我咋...唔係真係得我一個咋
今日Jenny都有黎探我, 仲送左塊好cute0既曲奇餅支持我, thankyou
Kathy
| | |
|
