拍拖8周年

今日係我地拍拖8周年紀念~ 不過過得很簡單...如常返工...放工...就連晚餐都冇特別安排, 只係去食上次商場送0既餐券~~

呢間餐廳叫La Parole~ 其實一直都想試~ 入到去...發覺大部份人都係黎食張券唶, haha~~

首先有洋蔥湯 / 芒果青瓜沙律, 個湯麻麻...沙律就ok0既...之後到主菜喇~ 一黎到...基本上都預左要食第2餐, 1個係炸龍利柳...估唔到真係得塊炸魚咁簡單, 搵條菜伴下都冇 =.=" 仲少過我朝早0係美心食0既炸魚柳...另一個係芝士焗火腿苦白菜, 反而呢個又ok喎~~ 係份量都係少..

最後黎埋細細舊0既粟子蛋糕同飲品就完成左呢個餐~ 好唔慣咁拍下patpat就走得, 一個仙都唔駛俾~~ 呢間餐廳我諗都冇下次...味道稱不上好, 份量更加唔駛講...唔係免費餐關係, 係見人地散叫一樣少得可憐..

唔夠飽點算...最後去左許留山填埋果半個肚, 哈~~~

就是這樣過左我地一個紀念日lu~~

Kathy