上了2課

Esther同佢男友0係灣仔開左間涼茶鋪, 所以今日約埋王峰一齊去幫襯下~~ 不過王峰先帶我地去食粥, 一向好憎食粥0既我都覺得好味喎 特別佢0既魚皮真係好正~~ 好爽呀~~~

之後就過去喇, 呢到所有野都係Esther親自整的, 味道都係自己調出來~ 而佢呢家又讀緊中醫, 所以順便叫佢幫我診下証先 佢都係話我胃比較寒, 所以都冇俾我食龜零膏, 原來廿四味同五花茶都係最傷我, 等我之前仲成日飲添 所以最後只係飲左杯雞骨草~ 佢都有講下我不宜食d咩...又應該食d咩...總之我呢d寒底但又有虛火0既人就最煩啦

打搞完, 就過銅鑼灣陪Anson配眼鏡~ 呢個蘇生係兔兔介紹的, 上次聽阿俊講到裡面裝修好古怪, 又真係喎...寫滿哂字咁, 唔知仲以為趕客咁 但最搞笑0既係...蘇生問Anson馬小姐係你邊位, Anson聽唔清楚...以為問我係佢邊位, 就答左老婆~~ 蘇生呆左呆...Anson先問..你講馬小姐呀?? Hahahaa~~

不過驗眼果part真係等左好耐...原來幫Anson驗左好多野, 又色盲...青光眼...睇立體...協調等等~~ 仲發現佢眼裡有油脂粒, 俗稱脂肪纖維瘤, 雖然冇咩影響, 但叫佢比平時少食1/3肉, 可以控制血壓和膽固醇~ 突然覺得好似去左body check 

講講下...又講到去呢家日常生活好多傷眼0既地方, 例如d平面電視...電腦mon又應該15-17"最好, 就連點揀燈膽都講左好耐~~ 繼而又講到BB d視覺係點...點樣保護佢地等等....嘩~~ 今日真係似睇醫生多~~ 埋單都只係9百幾...都覺得奇怪, 個框都好似6百蚊喎...塊鏡咁平?? Anyway, Anson話淨係黎驗眼都抵呀~~~ 多謝兔兔介紹左個眼科醫生俾我地~~

之後就過左citysuper, 因今晚煎和牛食, 諗住睇下有d咩可以襯下食~~ 結果買左盒蟹腳喎

開餐喇~~~

先黎頭盤 - 美味的松葉蟹腳

今晚冇咩菜...所以烚2條粟米刨~~~~

最後有煎左約六成熟0既和牛, 幾好味喎~~ 只係略多肥~~

Kathy